Otsaila Barakaldoko CRIAn: ikaskuntza, komunitatea eta aukera berriak

Otsailean hainbat hezkuntza-, kultura- eta komunitate-jarduera egin ditugu Barakaldoko Haur eta Nerabeentzako Baliabideen Zentroan (HNBZ). Guztiek helburu bera izan dute: haurren eta nerabeen ongizatea sustatzea, eta familiei garapen pertsonalerako, prestakuntzarako eta sozialerako prozesuan laguntzea.

42 Urduliz bisitatu dugu, Bizkaiko Foru Aldundiak bultzatutako berrikuntza eta ekintzailetza teknologikoko zentroa. Punta-puntako espazio honek talentu digitala erakartzea, prestatzea eta atxikitzea du helburu, ikaskuntza-eredu ireki eta kolaboratibo baten bidez.
Bisitaldiari esker, parte-hartzaileek zuzenean ezagutu zuten nola garatzen diren lurraldean eragin ekonomikoa eta soziala duten proiektu teknologikoak, eta jakin-mina piztu zitzaien STEAM eremuari eta etorkizuneko lanbideei buruz.
 

Egin dugun beste jarduera bat Barakaldoko San Agustin Egoitzan belaunaldien arteko ekintza bat izan da. Bertan, CRIAko neska-mutil talde batek Inauterietako jardunaldi bat partekatu zuen egoiliarrekin.
Elkarrekin maskarak egin zituzten giro sortzaile, hurbil eta parte-hartzailean, belaunaldien arteko hartu-emana sustatuz eta komunitate zentzua indartuz.

Eta, azkenik, beste jarduera bat izan da, Goiztirirekin batera, familiei zuzendutako lan-orientazio tailerra antolatzea. Ekimenaren helburua haien enplegagarritasuna hobetzen laguntzea izan zen, curriculuma egiteko eta eguneratzeko aholkularitza emanez, eta lan-aukera berrietara iristeko tresna praktikoak eskainiz.